Agri SA glo die regering moet die landbousektor uit sy finansiële wurggreep help nes hy met die Suid-Afrikaanse Lugdiens en Eskom gedoen het.
Netwerk24 berig volgens die president van Agri SA, Johannes Möller, moet die regering ingryp met hulpverlening aan kommersiële en kleinskaalse boere.
Sy pleidooi kom kort voor die departement van landbou, bosbou en visserye se nasionale droogteindaba wat môre en oormôre in Centurion plaasvind.
Agt provinsies is reeds tot rampgebiede verklaar, maar die minister van samewerkende regering en tradisionele sake, Des van Rooyen, het nog verlede week op ’n mediakonferensie in die parlement sprake van ’n nasionale ramptoestand doodgepraat.
Die landbousektor se omset is sowat R227 miljard per jaar en bied werk aan sowat 850 000 mense.
The post “REGERING MOET BOERE HELP” appeared first on Radio Rosestad 100.6FM.