Finansminister Malusi Gigaba sê die Tesourie oorweeg dit steeds of hy die
waarborg van R3 miljard gaan verskaf waarvoor die SAUK gevra het.
Die Tesourie het in Mei die openbare uitsaaier se aanvanklike versoek geweier.
Gigaba het op ‘n parlementêre vraag geantwoord dat die korporasie die geld wil hê om te verhoed dat hy in die huidige boekjaar om likwidasie gedagvaar kan word.
Die Parlement het in Junie gehoor dat die SAUK ‘n nettoverlies van R1,1 miljard vir die vorige boekjaar verwag.
Gigaba sê die Tesourie is bekommerd oor die gebrek aan toerekenbaarheid en ‘n gesonde finansiële plan by die uitsaaier.
The post Tesourie oorweeg R3 miljard vir SAUK appeared first on Radio Rosestad 100.6FM.