Die Organisasie teen Belastingmisbruik het strafregtelike aanklagte gelê teen
die geskorste waarnemende bestuurshoof van Eskom, Matshela Koko.
Hulle kla hom aan van ‘n reeks ongerymdhede, korrupsie en bedrog.
OUTA sê hulle het ‘n waterdigte saak teen Koko met bewyse van onregmatige optrede toe hy ‘n uitvoerende amptenaar van Eskom was en sy verhouding met die Gupta-familie.
Koko word daarvan beskuldig dat hy sy posisie by Eskom misbruik het om die
Gupta’s te help om Optimum Coal Holdings en sy Optimum- en Koornfontein-steenkoolmyne van Glencore te koop.
OUTA sê onder meer dat Koko vertroulike inligting deur middel van ‘n tussenganger aan die Gupta’s oorgedra het.
The post Aanklagte teen geskorste hoof van Eskom appeared first on Radio Rosestad 100.6FM.