Model C-skole bestaan vir die afgelope twintig-jaar nie meer in die onderwysstelsel nie, maar dié voormalige model skole is moontlik die mees getransformeerde skole.
Dr Jaco Deacon
So sê Dr Jaco Deacon, adjunk uitvoerende hoof van die Federasie vir Skolebeheerliggame van Suid-Afrika (Fedsas) in reaksie op die die direkteur-generaal (DG) van basiese onderwys, Hubert Mweli, se onlangse uitlating dat personeel van voormalige Model C-skole méér moet transformeer.
Deacon, wat onlangs verkies as president van Suid-Afrikaanse Vereniging vir Onderwysreg (Saela), sê politici is geneig om na die voormalige Model C-skole te verwys as ‘n massa-skole wat in Suid-Afrika was.
Deacon sê minder as 27 % van die sowat 28 000 skole teen die einde van 1994 was Model C-skole.
Hy sê wanneer daar na transformasie verwys word, gaan dit uiteindelik oor ras.
“Die bedoeling van transformasie is verandering, maar die verandering in onderwys is een-rigting verkeer.’
“Dit is wit-swart.” sê Deacon.
Waar die skole voorheen lelie-wit was, sal vandag weinig van daardie skole nog só wees.
Volgens Deacon bestaan daar skole in die land, waar die hele beheerliggaam swart is, waar wit leerkragte aangestel word omdat hulle (die beheerliggaam) van mening is dat blanke onderwysers meer toegewyde en lojale mense is wat die ekstra myl stap.
Anton Smith het in Brandpunt met Deacon gepraat. Luister gerus na potgooi-onderhoud:
The post “MODEL C-SKOLE” MEESTE GETRANSFORMEER – DEACON appeared first on Radio Rosestad 100.6FM.