Die polisie het meer as 7 800 polisievuurwapens tussen 2009 en 2014 verloor.
Dit is volgens inligting wat deur Fikile Mbalula, polisieminister, aan die burgerregtewaghond AfriForum verskaf is. Ondersoeke dui verder daarop dat verlore en gesteelde polisiewapens in gewelds- en ernstige misdaad gebruik word.
Die syfers wat vanoggend deur Ian Cameron, AfriForum se veiligheidshoof, met die media gedeel is, sluit egter nie vuurwapens in wat die Suid-Afrikaanse Polisiediens in veilige bewaring en as bewysstukke moes hou nie, maar weerspieël slegs dié in die polisie se bateregister.
AfriForum het ook versoek dat dié syfers bekendgemaak word, maar Mbalula het dit egter nie verskaf nie.
AfriForum gaan voorts die onafhanklike polisie-ondersoekdirektoraat (Opod) versoek om ondersoek in te stel na die polisie se nalatige hantering van vuurwapens.
The post Polisie verloor meer as 7000 vuurwapens in 5 jaar appeared first on Radio Rosestad 100.6FM.