Die sokkerspeler wat Maandagoggend in hegtenis geneem is toe hy glo vinniger as 220 km/h in Johannesburg gejaag het, het om verskoning gevra vir sy optrede.
Happy Quinton Jele van die Orlando Pirates, is gister op die M1-snelweg naby Sandton vasgetrek waar hy volgens die owerhede in BMW teen ʼn gemiddelde spoed van 223 km/h in ʼn 120 km/h-sone gejaag het.
Maroela Media berig Jele is kort daarna in hegtenis geneem en na die Sandton-polisiestasie geneem waar hy formeel van roekelose en nalatige bestuur asook ʼn spoedoortreding aangekla is.
Hy is later op borgtog vrygelaat.
Hy het gisteraand in ʼn verklaring omverskoning gevra vir sy roekelose optrede en dat hy Orlando Pirates se naam in oneer gebring het.
The post Sokkerspeler vra om verskoning appeared first on Radio Rosestad 100.6FM.