Die minister in die Presidensie Verantwoordelik vir Vroue, Susan Shabangu, sê dat almal wat swyg oor geweld is medepligtig aan die misdaad.
Shabangu het die aanranding van die vroue deur die adjunkminister vir Hoër Onderwys en Opleiding, Mduduzi Manana, veroordeel en die polisie versoek om teen hom op te tree.
Manana het erken hy was die naweek betrokke by dié voorval in ʼn Johannesburgse klub.
Een van die slagoffers, Mandisa Duma, het ʼn klagte van aanranding teen die adjunkminister aanhangig gemaak.
Dit is nie duidelik wanneer hy in hegtenis geneem sal word nie.
The post Aanranding van vroue deur adjunkminister veroordeel appeared first on Radio Rosestad 100.6FM.