Amnestie Internasionaal het ‘n beroep gedoen op die Keniaanse regering om veiligheid te verskerp in aanloop tot aanstaande week se algemene verkiesing.
Dié versoek is gerig ná die moord op die verkiesingsamptenaar, Chris Msando.
Hy was die hoof van Inligtingstegnologie van Kenia se onafhanklike verkiesingskommissie.
Msando is volgens aanduidings voor sy moord gemartel.
Sy liggaam is gister gevind, drie dae nadat hy as vermis aangemeld is.
Amnestie Internasionaal sê sy dood moet onmiddellik ondersoek word.
The post Keniaanse regering “moet veiligheid verskerp” appeared first on Radio Rosestad 100.6FM.