Die SAUK se tussentydse raad sal vandag ‘n vorderingsverslag aan die Parlement se kommunikasie-komitee voorlê.
Die komitee sal ook na verwagting kyk na die getal benoemings wat ontvang is vir kandidate om op die openbare uitsaaiers se nuwe permanente raad te dien.
Die voorsitter van die komitee, Humphrey Maxegwana sê hulle sal ook bepaal of enige tussentydse raadslede benoem is of aansoek gedoen het om op die permanente raad te dien.
Maxegwana sê die raad sal na verwagting terugvoer gee oor vordering met die implemetering van aanbevelings in die ad hoc-komitee se verslag oor die SAUK.
Die proses om ‘n kortlys van kandidate saam te stel, sal moontlik aanstaande week plaasvind.
The post Vorderingsverslag deur SAUK se tussentydse raad appeared first on Radio Rosestad 100.6FM.