Die Hooggeregshof in Pretoria sal vandag betoë aanhoor in die aansoek van
Julian Stobbs en sy vrou, Myrtle Clarke oor die wettiging van dagga.
Stobbs sê hulle wil toesien dat alle Suid-Afrikaners dagga wettig mag gebruik.
Die saak is gister uitgestel nadat die staat sy kommer uitgespreek het oor die media se versoek om die hofsaak regstreeks uit te saai.
Regter Dennis Davis het vroeër in die Hooggeregshof in Kaapstad beslis dat dagga wettig deur volwassenes in die privaatheid van hulle huise gebruik kan word.
Stobbs en Clarke vra egter vir ‘n meer omvattende wettiging van dagga.
The post Dagga-egpaar: Hof sal betoë aanhoor appeared first on Radio Rosestad 100.6FM.