Polisiewoordvoerder, kapt. Chaka Marope, sê die polisie in Bloemfontein soek
na vier aanvallers wat twee werkers op ’n kleinhoewe buite die stad Maandagoggend oorval en vasgebind het.
Hulle het met ’n kluis met kontant, juweliersware en ’n vuurwapen gevlug.
Netwerk24 berig die vier rowers het toegeslaan kort nadat die eienaar van die hoewe in Duikerweg, Vaalbank-Suid, werk toe is.
Francis Rupping, veiligheidskoördineerder van die Estoire-buurtwag, sê buurtwaglede het paaie in die omgewing versper, maar kon nie die misdadigers vind nie.
The post Bfn-polisie opsoek na 4 rowers appeared first on Radio Rosestad 100.6FM.