Die parlement se staande komitee oor openbare rekeninge (Skoor) het vanoggend gesê dit is skokkend dat die minister van Maatskaplike Ontwikkeling, Bathabile Dlamini, nog nie gereageer het op doodsdreigemente teen die hoof van Sassa, Thokozani Magwaza, nie.
Skoor se voorsitter, Themba Godi, het volgens Netwerk24 gesê hulle is geskok en kwaad oor die skaamtelose wetteloosheid deur ’n misdadige bende of trogvreters wat Magwaza uit sy werk wil intimideer sodat hulle die kontrak tussen Sassa en die Poskantoor kan vertraag en daardeur die deur vir die plundering van staatsgeld ooplaat.
Hy het gesê daar kan nie toegelaat word dat bestuurders uit hul poste gedwing of geskors word om korrupsie te fasiliteer nie.
The post Dlamini reageer nie op doodsdreigemente nie appeared first on Radio Rosestad 100.6FM.