Die organisasie teen belastingmisbruik, Outa, het die SAUK se tussentydse raad gevra om enige uitbetalings aan die afgedankte operasionele hoof, Hlaudi Motsoeneng, te verhoed.
Die organisasie is bekommerd omdat president Jacob Zuma versuim om die Spesiale Ondersoekeenheid se ondersoek na die openbare uitsaaier goed te keer.
Outa sê dit kan daartoe lei dat Motsoeneng nog uitbetalings kry wat hy nie verdien nie.
Die ANC-parlementslid Lerumo Kalako, wat die sweep van die parlementêre komitee op Kommunikasie is, het intussen vroeër gewaarsku dat die onsekerheid by die SAUK nie uitgerek moet word deur die SOE se ondersoek te vertraag nie.
Daar is verwag dat Zuma reeds einde verlede maand die ondersoek sou bekragtig.
Kalako wys daarop dat die tussentydse raad slegs vir ‘n tydperk van ses maande aangestel is.
The post “Verhoed uitbetalings aan Motsoeneng” appeared first on Radio Rosestad 100.6FM.