Die DA-leier, Mmusi Maimane, het president Jacob Zuma skriftelik versoek
om Shaun Abrahams weens onbevoegdheid te verwyder uit sy pos as hoof van die Nasionale Vervolgingsgesag.
Maimane sê in ‘n verklaring Abrahams is bevooroordeeld en doen niks in verband met aanklagte teen Zuma en die Gupta-familie nie.
Hy sê sedert Abrahams in 2015 aangestel is, het hy sekere individue teen vervolging beskerm en is hy doodstil oor duidelike dade van grootskaalse korrupsie en staatskaping deur ‘n klein politieke elite-groep gelei deur die Guptas.
Die voorsitter van die SAKP, Senzeni Zokwana, het intussen op die party se nasionale konferensie in Boksburg aan die Oos-Rand teen die Gupta-familie te velde getrek en gesê hulle moet ophou om by die ANC se sake in te meng, en die party uitlos.
Hy het ook die Guptas daarvan beskuldig dat hulle probeer om die nasionale mynwerkersunie, NUM, te kaap.
The post Aansoek om Abrahams uit sy pos te verwyder appeared first on Radio Rosestad 100.6FM.