Die Nasionale Redakteursforum (Sanef) het sy aansoek om ’n interdik teen die Black First Land First-geweging en sy leier, Andile Mngxitama, in die Johannesburgse hooggeregshof gewen.
Regter Corrie van der Westhuizen het die BLF en Mngxitama verbied om verslaggewers en redakteurs te teister, intimideer, aan te rand, te dreig en na hul huise te gaan.
Netwerk24 sê pas nadat die interdik toegestaan is, het woedende BLF-lede allerlei beledigings en dreigemente aan joernaliste buite die hof geskree.
Die Suid-Afrikaanse Menseregtekommissie het vroeër ook ’n beroep op Mngxitama en die BLF, gedoen om die intimidasie en aanvalle op joernaliste dadelik te stop.
The post Sanef wen teen BLF appeared first on Radio Rosestad 100.6FM.