Amerika het gewaarsku dat hy militêre mag in Noord-Korea sal gebruik indien
hy moet.
Dit volg ná Dinsdag se lansering van ‘n Noord-Koreaanse langafstand-missieltoets.
Die Amerikaanse ambassadeur, Nikki Haley, sê ‘n nuwe resolusie gaan ook by die Verenigde Nasies teen Noord-Korea ingedien word.
Sy het die missieltoets bestempel as ‘n skerp toename in militêre bedrywighede in Noord-Korea en ‘n bedreiging vir die toepassing van handelsbeperkings teen die land.
Die Amerikaanse en Japanese ministers van verdediging, Jim Mattis en Tomomi Inada, het gesê die jongste missieltoets is ‘n onaanvaarbare provokasie.
The post VSA teen missieltoets in Noord-Korea appeared first on Radio Rosestad 100.6FM.