Die ANC se sekretaris-generaal, Gwede Mantashe, het leiers van die party gekritiseer omdat hulle swyg oor aantygings van staatskaping deur die Gupta-familie.
Hy sê in ‘n verslag wat op die eerste dag van die ANC se beleidskonferensie by Nasrec in Johannesburg voorgelê is, die vlaag uitgelekte Gupta-e-posse — wat ‘n aanduiding is van die omvang van die invloed van die Gupta’s op die regering en staatsbeheerde entiteite — benadeel die ANC.
Mantashe sê diegene wat geïmpliseer word, moet betroubare verduidelikings verskaf soos wat ‘n paar reeds gedoen het, want blatante ontkenning is ongeloofwaardig in die oë van die samelewing.
Volgens News24 het Mantashe aan die media bevestig dat daar ‘n poging was om te keer dat die verslag voorgelê word.
The post “Gupta e-posse benadeel die ANC” – Mantashe appeared first on Radio Rosestad 100.6FM.