‘n Sewejarige meisie van Claremont in Kaapstad word vermis nadat sy gister by Bettiesbaai in die Wes-Kaap deur branders van die rotse afgeslaan is.
Volgens die stasiebevelvoerder van die Nasionale Seereddingsinstituut in Hermanus, Deon Langenhoven, is hulle omstreeks half-vyf van die voorval in kennis gestel en is ‘n boot van die NSRI gestuur om in ‘n onstuimige see na die meisie te soek.
Daar was egter teen gisteraand nog geen teken van haar nie.
Hy sê ’n span polisieduikers en die NSRI sal hul soektog vroeg vanoggend voortsit.
The post Bettiesbaai: Meisie (7) vermis in die see appeared first on Radio Rosestad 100.6FM.