Psigiatriese verslae oor ’n Bloemfonteinse polisieman wat sy swanger vrou voor haar kollegas met ’n mes doodgesteek het, sal weer besturdeer word voordat hy gevonnis word.
Jacob Mokanyane se nuwe regsverteenwoordiger het gister versoek om eers die verslae te bestudeer om te besluit of die verdediging sy eie psigiatriese verslag sal opstel.
Netwerk 24 berig Mokanyane se verhoor is tot 26 Augustus uitgestel, waarna ’n datum wanneer vonnisverrigtinge sal begin, vasgestel sal word.
Mokanyane, ’n lid van die K9-eenheid van die polisie in Bloemfontein, is in April vanjaar daaraan skuldig bevind dat hy sy verpleegstervrou, Eunice Mokanyane, op 16 Januarie verlede jaar in die Pelonomi-hospitaal vermoor het.
The post Moordenaar se psigiatriese verslae eers weer besturdeer appeared first on Radio Rosestad 100.6FM.