‘n Minibus en dubbelkajuit-bakkie van die Mangaung-metro word vandag deur die balju opgeveil om uitstaande skuld van die metro te delg.
Die balju, Andries Kruger, het aan Netwerk24 bevestig die voertuie gaan opgeveil word as daar nie vanoggend R300 000 deur die metro betaal word om dit te verhoed nie.
Volgens Kruger sal nog ‘n motor asook vyf motorfietse waarmee meterlesers hul werk moet doen, later opgeveil word.
Daar is glo ook lasbriewe vir beslagleggings op eiendom van die metro oor beweerde skuld uitgereik.
Die hoofbestuurder: kommunikasie van die metro, Qondile Khedama, samel nog inligting in voordat hy kommentaar kan lewer.
Die veiling kom middein die nuus dat die metro goedkeuring gegee het vir geldverkwisting op luukshede soos kaartjies vir Macufe.
The post VOERTUIE WORD OPGEVEIL OM METRO SE SKULD TE BETAAL appeared first on Radio Rosestad 100.6FM.