Die leier van die EFF, Julius Malema, sê die minister van finansies, Pravin Gordhan, moet hom aan die Valke onderwerp en vra ingevolge watter wette hulle hom ondersoek.
Malema het bygevoeg Gordhan tree op asof hy onaantasbaar is en asof die land in duie sal stort as daar aan hom geraak word.
Netwerk24 berig pres. Jacob Zuma het by monde van sy woordvoerder, Bongani Ngqulunga, ontken dat hy die tesourie en Gordhan se vlerke wil knip.
Business Day berig dat Zuma die ondertekening van ’n wysiging aan die Wet op die Finansiële Intelligensiesentrum vertraag as deel van ’n georkestreerde aanslag om Gordhan en die tesourie te kortwiek.
Volgens Ngqulunga het Zuma egter ’n beswaar teen die ondertekening van die wetsontwerp ontvang en moet hy dit oor grondwetlike kwessies oorweeg.
The post “GORDHAN TREE OP ASOF HY ONAANTASBAAR IS” – MALEMA appeared first on Radio Rosestad 100.6FM.