Altesaam vier buurlande het nou ‘n verbod op hoenderinvoere vanaf Suid-Afrika geplaas weens die voorkoms van ‘n hoogsaansteeklike stam van voëlgriep in Mpumalanga en die Vrystaat.
Namibië het gister aangekondig dat hy nie meer hoenders, lewend of geslag, van Suid-Afrika gaan invoer nie.
Zimbabwe, Botswana en Zambië het hoenderinvoere ook opgeskort.
Suid-Afrika en Mosambiek het vroeër die maand pluimvee-invoere van Zimbabwe af opgeskort toe die H-5-N-8-virus daar uitgebreek het.
The post Voëlgriep: Verbod op hoenderinvoere van SA appeared first on Radio Rosestad 100.6FM.