Brittanje en die Europese Unie het bevestig dat formele onderhandelings oor Brittanje se onttrekking aan die Europese Unie Maandag sal begin.
Die aankondiging is gedoen deur Brittanje se Brexit-sekretaris, David Davis, en die EU se hoof-onderhandelaar, Michel Barnier, ná voorlopige samesprekings deur amptenare in Brussel.
Gisteraand se aankondiging volg nadat daar twyfel was of die geskiedkundige onderhandelinge wel op die 19de sou begin nadat die eerste minister, Theresa May, se Konserwatiewe Party in die onlangse verkiesing sy partementêre meerderheid verloor het.
Die onderhandelinge moet teen middernag op 30 Maart 2019 afgehandel wees wanneer Brittanje hom formeel aan die EU sal onttrek.
The post Brittanje se onttrekking aan EU begin Maandag appeared first on Radio Rosestad 100.6FM.