Die huidige munisipale staking beteken Bloemfontein verdrink tans in rioolvuil.
Netwerk24 berig volgens DA-raadslid Rossouw Botes stroom klagtes in sedert die staking van die Suid-Afrikaanse Munisipale Werkersunie (Samwu).
Die Mangaung-metro het ’n tussentydse hofbevel van die arbeidshof in Johannesburg bekom wat beveel dat die stakers onmiddellik na die werkplek moet terugkeer, maar volgens Botes het dit nog nie gebeur nie.
Volgens Qondile Khedama: hoofbestuurder van kommunikasie van die Mangaung-metro, is van die stakers terug by die werk en sal die burgemeester, Olly Mlamleli, vandag die publiek inlig oor die pad vorentoe.
Pule Molalenyane, nasionale president van Samwu, sê egter die stakers is nog nie terug werk toe nie.
The post Bfn verdrink in rioolvuil appeared first on Radio Rosestad 100.6FM.