Kaapstad se rampbestuursentrum het gemaan dat nog oorstromings in die Kaapse Skiereiland en veral op die Kaapse Vlakte verwag word weens die stormweer.
Daar was oorstromings in Khayelitsha, Lavender Hill en Houtbaai.
Die woordvoerder van rampbestuur sê hulle is besig om die omvang van die skade vas te stel en bepaal ook watter hulp benodig word.
Meer as ‘n miljoen leerders in die Wes-Kaap bly vandag weens die gure by die huis.
Die storm wat die Wes-Kaap teister, het intussen nog nié sy piek bereik nie.
Die jongste waarskuwing is dat seedeinings tot 13 meter hoog kan wees.
Mense is wéér gewaarsku om weg te bly van die kusgebied af.
The post Nog oorstromings word verwag vir die Kaap appeared first on Radio Rosestad 100.6FM.