Die Vryheidsfront Plus sê hy sal alles moontlik doen om te verhinder dat die
Openbare Beleggingskorporasie die staatsdiens se pensioenfonds op enige wyse gebruik om openbare ondernemings te finansier.
Die party se parlementêre woordvoerder oor Openbare Ondernemings, Anton Alberts, sê die Vryheidsfront Plus het reeds met senior regslui gekonsulteer wat bereid is om hof toe te gaan om enige misbruik stop te sit.
Alberts sê dit is ‘onlogies en gek’ om die geld van staatspensioenarisse te gebruik om gekaapte openbare ondernemings te probeer red.
Hy sê die party sal nie toelaat dat dieselfde met die staatspensioenfonds gebeur as wat met Transnet se pensioenfondse gebeur het nie.
The post VF+ sal alles doen teen misbruik van staatspensioenfonds appeared first on Radio Rosestad 100.6FM.