Die Demokratiese Alliansie gaan die minister van finansies, Malusi Gigaba versoek om ondersoek in te stel na die wins van R1,1 miljard van die maatskappy Cash Paymaster Services.
Dié maatskappy het ‘n kontrak met die Agentskap vir Maatskaplike Sekerheid vir die uitbetaling van maatskaplike toelaes.
Die DA sê dié wins is teenstrydig met die Konstitusionele Hof se bevinding dat CPS nie wins kan maak uit ‘n ongeldige kontrak nie.
Die elektroniese betalingsdiens, Net-One, gaan intussen sy uitvoerende hoof, Serge Belamant, R105 miljoen asook ‘n 14% premie van sy aandele betaal nadat hy ingestem het om te bedank.
Belamant se bedanking volg op omstredenheid oor die maatskappy se kontrak om maatskaplike toelaes aan 17-miljoen begunstigdes uit te betaal.
NetOne is die moedermaatskappy van Cash Paymaster Services.
The post “Ondersoek CPS se R1,1 miljard wins” appeared first on Radio Rosestad 100.6FM.