Polisie-inligting toon dat die voormalige voorste gholfspeler ter wêreld, Tiger Woods, agter sy kar se stuurwiel gesit en slaap het toe hy in Florida in Amerika vir dronkbestuur in hegtenis geneem is.
Woods, wat in ‘n verklaring sê hy was nie onder die invloed van alkohol nie, moes glo deur ‘n polisieman wakker gemaak word. Hy het gesê die inhegtenisneming naby sy huis in die dorp Jupiter is die skuld van newe-effekte deur voorskrifmedisyne.
Luidens die polisieverslag het sy tong gesleep en het hy verward voorgekom. Woods het sedert 2014 reeds vier rugoperasies ondergaan.
The post Woods het glo agter stuur geslaap appeared first on Radio Rosestad 100.6FM.