Die DA het sy versoek verdedig waarin hy ANC-LP’s vra om saam met die opposisie vir die mosie van wantroue in President Jacob Zuma te stem.
Die hoofsweep van die ANC, Jackson Mthembu, het vroeër gesê sy koukus sal slegs instruksies van die ANC volg wanneer hulle stem.
Die Konstitusionele Hof moet binnekort sê of die Speaker van die Nasionale Vergadering, Baleka Mbethe, ‘n geheime stemming mag toelaat.
Die DA se adjunkhoofsweep, Mike Waters, sê mense moet met hul gewete stem tydens ‘n mosie van wantroue. Hy sê LP’s behoort vir die mosie te stem omdat hulle ‘n eed afgelê het om die Grondwet te verdedig.
Waters sê ‘n stem vir die mosie beteken nie dat hulle President Jacob Zuma haat nie, maar dat hulle die Grondwet wil beskerm.
The post DA verdedig mosie-versoek appeared first on Radio Rosestad 100.6FM.