Die politieke ontleder, professor Andre Duvenhage van die NWU, sê die
omstredenheid oor Brian Molefe se heraanstelling by Eskom dui op ernstige
uitdagings vir die ANC.
Die ANC se sekretaris in Noordwes, Dakota Legoete, gee toe dat hulle nie bewus was dat Molefe nog aan Eskom verbonde was toe hulle hom as parlementslid benoem het nie.
Hulle is ook onkant betrap toe hulle hoor dat Molefe as LP bedank het.
Duvenhage sê dit skep `n negatiewe beeld van die ANC, en dui op die probleme wat die leierskap in dié provinsie ondervind.
Die ANC in die Parlement het intussen in `n skerp bewoorde verklaring te
velde getrek teen die minister van Openbare Ondernemings, Lynne Brown en die Eskom-raad oor die heraanstelling van Molefe.
Die raad en Brown het gister voor die Parlement se Komitee oor Openbare Ondernemings verskyn om die kwessie te verduidelik.
Die waarnemende woordvoerder vir die ANC-koukus, Nonceba Mhlauli sê hulle besef nie die omvang van die krisis waarin hulle Eskom gedompel het nie.
The post “Heraanstelling van Molefe skep negatiewe beeld van ANC” appeared first on Radio Rosestad 100.6FM.