Die streekvoorsitter van die Suid-Afrikaanse Munisipale Werkersunie Samwu,
Makhele Maphatlalatse, het stakende lede in die Mangaung-metro gewaarsku om nié verder eiendom in Bloemfontein te beskadig nie.
Netwerk24 berig dit volg nadat skade van derduisende rande aangerig is sedert die staking verlede Dinsdag begin het.
Winkels is onder meer geplunder, ’n petrolbom is in ’n voertuig gegooi en brande is by die Bloemfonteinse stadsaal gestig.
Die Voortrekker Liquorland-drankwinkel in Nelson Mandelarylaan is ook Maandagaand geplunder.
Maphatlalatse wou nie veel kommentaar oor die voorvalle lewer nie, behalwe om te sê dit is nie seker of al die betrokkenes Samwu-lede is nie.
The post Bfn-betogings: Samwu waarsku lede van metro appeared first on Radio Rosestad 100.6FM.