Sewe mense is in twee afsonderlike skietvoorvalle dood wat vermoedelik
verband hou met taxi-geweld in KwaZulu-Natal.
Vyf mense is doodgeskiet in ‘n taxi by KwaDabhasi, naby KwaNongoma in die noorde van KwaZulu-Natal.
Vier van die slagoffers was passasiers.
Daar word vermoed dat onmin oor roetes tot die skietery aanleiding gegee het.
Twee mans wat vermoedelik by die taxibedryf betrokke was, is by Mbumbulu, suid van Durban, deur onbekende gewapende mans by ‘n taxi-staanplek doodgeskiet.
Die motief vir die aanvalle is onbekend en niemand is nog in hegtenis geneem nie.
The post Taxi-geweld: 7 dood in 2 afsonderlike skietvoorvalle appeared first on Radio Rosestad 100.6FM.