President Donald Trump van Amerika se voormalige nasionale veligheidsraadgewer, Michael Flynn, weier volgens berigte om getuienis af te lê voor die Senaat se intelligensiekomitee.
Flynn het in Februarie bedank nadat dit aan die lig gekom het dat hy die adjunk-president mislei het oor sy kontak met die Russiese ambassadeur. Die Senaatskomitee ondersoek moontlike bande tussen die Trump-veldtog en die Kremlin en poog om Flynn se samewerking te kry.
Die komitee het verlede maand dokumente van die afgetrede Luitenant-Generaal aangevra, maar hy het die versoek geweier. Nou word daar berig dat hy hom beroep op wetlike immuniteit teen selfinkriminasie.
The post Flynn weier getuienis oor Russe appeared first on Radio Rosestad 100.6FM.