Switserse kiesers het oorweldigend ten gunste van ‘n beleidvoorstel gestem om kenkrag uit te faseer. Voorlopige uitslae van hul referendum dui daarop dat die kiesers ten gunste is van omgewingsvriendelike elektriese krag.
Die Switserse regering het na die kernkragramp in 2011 by Fukushima in Japan aangedui dat hy wil wegbeweeg van kernkrag. Daar is egter geen aanduiding wanneer die land se vyf kenkragsentrales gesluit sal word nie.
Kernkrag voorsien tans sowat `n derde van die land se elektrisiteit, maar son-, wind- en waterkragopwekking begin ‘n groter rol te speel.
The post Switsers stem teen kernkrag appeared first on Radio Rosestad 100.6FM.