Opposisiepartye sê hulle is optimisties dat die Konstitusionele Hof in hulle guns sal beslis in die aansoek deur die UDM oor of parlementslede in die geheim mag stem tydens die debat oor die mosie van wantroue in president Jacob Zuma.
Die hof sal na verwagting binnekort uitspraak lewer nadat uitspraak gister voorbehou is. Opposisiepartye oefen druk uit vir ‘n geheime stemming en het ‘n beroep op ANC-parlementslede gedoen om met hul gewetes te stem. Die speaker in die Nasionale Vergadering, Baleka Mbete, het die debat oor die mosie uitgestel en gesê sy is nie by magte om ‘n geheime stemming toe te laat nie.
Ná gister se hofverrigtinge waartydens haar regsverteenwoordiger verskeie toegewings tydens sy betoë moes maak, het sy gesê sy staan onder geen verpligting om ‘n geheime stemming toe te laat nie.
The post Opposisie optimisties oor Zuma-uitspraak appeared first on Radio Rosestad 100.6FM.