Die vermeende leier van ’n perlemoensindikaat in Port Elizabeth, die 45-jarige Morné Blignaut, is vanoggend wéér vir beweerde perlemoenbedrywighede aangekeer.
Die polisie sê Blignaut, asook sy 25-jarige seun en nog ’n man is by hul huise in die stad in hegtenis geneem.
Blignaut is op borgtog van ‘n kwart-miljoen rand vrygelaat nadat hy verlede jaar deur die Valke as die vermeende leier van ‘n perlemoensindikaat gearresteer en saam met sy gewese vrou en nog ses mans van rampokkery aangekla is.
Hy het glo intussen ’n nuwe perlemoenmaatskappy gestig.
The post Blignaut weer vas vir glo perlemoenbedrywighede appeared first on Radio Rosestad 100.6FM.