Die ANC-jeugliga in Limpopo het gedreig om president Jacob Zuma se presidentskap ten alle koste te verdedig.
Die liga het ook ‘n waarskuwing gerig aan mense wat dit oorweeg om aan môre se betoging vir die verwydering van Zuma as president deel te neem, en gesê hulle sal ’n les geleer word.
Volgens die liga is ‘n betoging teen Zuma dieselfde as ’n betoging teen die ANC, en sal dit nie geduld word nie.
‘n Hande-vashou betoging buite die Parlement gaan intussen vandag die eerste van verskeie veldtogte oor die volgende paar dae wees om teen Zuma protes aan te teken.
Kapenaars is van plan om ‘n menslike ketting vanaf die parlement tot by die St George’s-katedraal te vorm om ‘n beroep op Zuma te doen om te bedank om te verhoed dat verdere skade aan die land se ekonomie aangerig word.
Die betoging sal na verwagting om twaalfuur begin.
The post Optogte teen Zuma: “Deelnemers sal ‘n les leer” appeared first on Radio Rosestad 100.6FM.