Bloemfontein het in 2010 laas van die departement van waterwese en sanitasie bloudruppelstatus vir sy drinkwater gekry.
Netwerk24 berig ’n verslag is bekom van ’n kontrakteur wat gevra is om die reservoirs van die stad te ondersoek.
Net een van die 19 reservoirs wat ondersoek is, was nie vuil of het nie strukturele en ander gebreke gehad nie, DA-raadslis en waterkenner, Rossouw Botes, het ’n reël 38-vraag oor die vuil drinkwater aan die waar nemende stadsbestuurder, Sello Moré, gestel.
Dit sluit in hoe die opgaardamme in Bloemfontein daar uitsien, of dit skoon is en of dit gereeld versien word. Moré het geantwoord dat die opgaardamme elke vyf jaar skoongemaak moet word, maar dat die reservoirs weens te min geld nie gereeld skoongemaak word nie.
Dit is net die Arboretum-reservoir wat die toets geslaag het.
The post Vuil water, strukturele gebreke in Bfn reservoirs appeared first on Radio Rosestad 100.6FM.