Die sportwetenskaplike Tim Noakes sal eers teen die einde van vandeesmaand
weet of die Raad vir Gesondheidsberoepe hom skuldig bevind het aan
onprofessionele optrede.
Dit volg nadat sy regspan slotbetoë voor die raad gelewer het in die saak tussen hom en ‘n ma aan wie hy op sosiale media ‘n eetplan vir haar baba aanbeveel het.
Noakes het aan Pippa Leenstra aanbeveel om haar kind op ‘n laekoolhidraat-dieet te plaas.
Sy prokureur, Ravin Ramdaas, sê die raad kon nie getuienis aanbied om sy saak te steun nie.
Ramdaas sê daarenteen het Noakes duidelike, onbetwiste en wetenskaplik gegronde argumente aangebied ten gunste van die laekoolhidraat-dieet, borsvoeding en ‘n aanvullende dieet.
The post Noakes-verhoor: Skuldig of nie? appeared first on Radio Rosestad 100.6FM.