Die SAUK se tussentydse raad het toestemming gekry om met sy werk te
begin.
Die SAUK-woordvoerder, Kaizer Kganyago sê die raad het gister met die nuwe minister van Kommunikasie, Ayanda Dlodlo vergader.
Dlodlo het aangedui dat sy tevrede is dat die raad regmatig aangestel is.
Dlodlo se voorganger, Faith Muthambi het verlede week verhoed dat die raad met sy werksaamhede begin omdat hulle glo nog nie die nodige sekerheidsklaring ontvang het nie.
Kganyago sê die vergadering met die minister is gevolg deur ‘n spesiale raadsvergadering. Hy sê die raad het bespreek hoe die SAUK sy fiansiële verpligtinge gaan nakom.
The post SAUK: Tussentydse raad begin met sy werk appeared first on Radio Rosestad 100.6FM.