’n Lid van die Vrystaatse ANC-jeugliga word deur die regering ondersoek
omdat hy werksoekers bedrieg het deur poste by die Mangaung-metro teen R4
000 stuk aan hulle te verkoop.
Netwerk24 berig Pule Phetoane, voorsitter van wyk 13, het glo omkoopgeld van meer as 90 mense ontvang in ruil vir werk by die metro.
Phetoane het deposito’s van werksoekers vir die poste gevra en hulle daarna meegedeel dat Olly Mlamleli, die burgemeester, geweier het om die aanstellingsbriewe te teken.
Thabo Meeko, woordvoerder van die Vrystaatse ANC, het mense wat deur Phetoane bedrieg is, uitgenooi om strafregtelike klagte teen hom in te dien en gesê die ANC sal die saak verder intern ondersoek.
The post Lid van VS-jeugliga verkoop glo poste appeared first on Radio Rosestad 100.6FM.