Die man wat in hegtenis geneem is in verband met die inbraak by die kantoor
van die hoofregter in Midrand in Gauteng, is in die Randburgse landdroshof op borgtog van R5 000 vrygelaat.
Nkosinathi Msimango het hom vroeër aan die polisie oorgegee nadat hy as verdagte in die saak genoem is.
Vyftien rekenaars met persoonlike inligting van die land se regters is uit die kantore gesteel.
Msimango se prokureur, Sammy Mahlangu, sê die staat kon nie genoegsame rede verskaf waarom Msimango nie borgtog moet ontvang nie.
Die saak is tot 17 Mei uitgestel.
The post Inbraak by hoofregter se kantoor: Verdagte kry borgtog appeared first on Radio Rosestad 100.6FM.