Die IVP sê hy sal saam met ander partye stem tydens die mosie van wantroue
wat die DA teen President Jacob Zuma ter tafel gelê het.
Dit volg op gister se vergadering van opposisiepartye in Johannesburg om die leierskapskrisis in die land te bespreek.
Die partye hoop dat ‘n aantal ANC-LP’s ook vir die mosie sal stem.
Die IVP-leier, Mangosuthu Buthelezi, sê sy party steun ‘n mosie om Zuma as president te verwyder.
Buthelezi sê die IVP ondersteun massa-optrede en die oproep om na die Uniegebou op te ruk, maar slegs as ‘n heel laaste uitweg.
Hy sê die stemming in die mosie van wantroue kan moontlik die verlangde uitkoms hê.
The post IVP steun die mosie van wantroue teen Zuma appeared first on Radio Rosestad 100.6FM.