Boere in Heilbron het hulle kommer uitgespreek oor die polisie se gebrekkige logistieke vermoëns om landbouers in landelike gebiede van te help.
Die Boere is veral besorgd oor die tekort aan voertuie vir die polisie.
Boere wat by die gesprek teenwoordig was sê wanneer plaasbesoeke en wit-en blou lig patrollies gehou word, is die SAPD se betrokkenheid beperk weens ’n gebrek aan onder meer voertuie.
Die boere het dit benadruk dat die vlakke van plaasaanvalle, -moorde en misdaad op plase onaanvaarbaar hoog is en daar toenemende persepsies bestaan dat sommige polisielede by misdade in landelike gebiede betrokke is.
Landbouers is opnuut gevra om sodanige situasies op skrif aan die VKB/VL Veiligheidslessenaar te kommunikeer, waarna aan die SAPD se “Management Complaints Intervention Unit” op provinsiale vlak deurgegee sal word.
’n Ondersoek sal in die verband met die klagte geloods en die nodige stappe teen sulke lede sal geneem word.
Lede van Moedersdeel Landbouvereniging, hoof uitvoerende beampte van Vrystaat Landbou, Henk Vermeulen, die streekverteenwoordiger van VL, Tommie Esterhuyse, die VKB/VL Veiligheidslessenaar veiligheids risiko-analis, dr. Jane Buys, en die SAPD se Landelike Veiligheid Koordineerder in die Vrystaat, Kol. Johan Gelderblom, was by die gesprek betrokke.
Ander kwessies wat tydens die vergadering bespreek is, is grondhervorming, die toestand van paaie, die kundigheid van boere om die staat te help asook die politieke retoriek deur veral president Jacob Zuma, aktiviste an ander politieke leiers.
Lees gerus meer hier oor die gesprek.
The post Boere en Polisie hou ‘openhartige gesprek’ oor veiligheid appeared first on Radio Rosestad 100.6FM.