Die vervoerwerkersvakbond, Untu, sê sy lede by die Passasierspoor-agentskap van Suid-Afrika (Prasa) werk tans in ’n oorlogsone en hy gaan hom tot die hooggeregshof wend in ’n poging om die agentskap te dwing om veiligheidsmaatreëls drasties te verskerp.
Hoofsekretaris Steve Harris sê hulle wil onder meer hê die hof moet Prasa dwing om ’n mobiele gewapende reaksie-eenheid op die been te bring en ’n taakspan aan te wys om na ’n langtermynstrategie vir die veiligheid van vakbondlede te kyk.
Volgens Untu het die situasie veral oor die afgelope 18 maande verswak en word werkers op ’n weeklikse basis beroof en aangerand.
The post Untu-lede by Prasa “werk in ‘n oorlogsone” appeared first on Radio Rosestad 100.6FM.