Die ANC-voorsitter van die portefeuljekomitee oor staatsdiens en administrasie, Makhosi Khoza, is telefonies met die dood gedreig nadat die komitee ’n oorsigbesoek aan Mpumalanga gebring het.
Die parlementêre woordvoerder, Moloto Mothapo, sê die parlement is besorg oor die dreigemente wat Khoza Dinsdag en gister Woensdag ontvang het – blykbaar oor skerp kritiek van die komitee teen die provinsie se gesondheidsdienste.
Mothapo sê ’n verslag daaroor sal aan die speaker van die Nasionale Vergadering, Baleka Mbete, oorhandig word, terwyl die dreigoproepe ook by die wetstoepassings-agentskappe aangemeld sal word.
The post ANC-voorsitter met die dood gedreig appeared first on Radio Rosestad 100.6FM.