Kontrakteurs wat dienste aan die Mangaung-metro lewer word steeds nie betaal vir werk wat gedoen word nie.
Volgens DA-raadslid Hennie van Niekerk, kla verskeie kontrakteurs dat gelde aan hulle verskuldig steeds uitstaande is.
Die kruising van Roselaan met Walter Sisulu-weg is een van die groot kwelpunte met die straat wat nou al maande oor die werk daaraan gesluit is.
Netwerk24 berig volgens Van Niekerk het hy al verskeie kere met die metro se hoof van finansies, Ernest Mohlahlo, oor die probleme vergader, sonder enige reaksie.
Mohlahlo het onlangs aan Volksblad gesê dit is nie waar dat die metro R300 miljoen aan die kontrakteurs in Bloemfontein skuld nie.
Volgens van Niekerk is nog ‘n kwelpunt die groot klomp voertuie van die metro wat in onbruik is omdat daar glo nie geld is om herstelwerk te doen en lisensies te hernu nie.
The post KONTRAKTEURS VAN MANGAUNG-METRO WORD STEEDS NIE BETAAL appeared first on Radio Rosestad 100.6FM.