Die vlinke optrede deur twee boere in die Behtlehem-distrik het daartoe gelei dat twee diewe vasgetrek is kort nadat hulle ‘n plaas beroof het.
Een van die boere het Maandagaand agterdogtig geraak nadat ‘n onbekende voertuig haastig by sy buurman se plaashekke uitgejaag het.
Die boere het vinnig opgetree en die verdagtes agternagesit.
Hulle het die verdagtes burgerlik in hegtenis geneem en 14 sakke mielies ter waarde van R40 000 is in hulle besit gevind.
Die vermeende diewe is aan die polisie oorhanding.
Volgens die polisie is een van hulle ‘n werknemer op die plaas.
Bethlehem-polisie se Genl. Maj Jan Tsotetsi het die burgelike arrestasie verwelkom en die verantwoordelikheid van die boere geloof.
Tsotetsi het boere aangemoedig om betrokke te raak by hulle plaaslike Gemeenskapspolisiëringsforums (GPF).
The post Boere neem diewe self in hegtenis appeared first on Radio Rosestad 100.6FM.