Die Vryheidsfront Plus sê die Vrystaatse Departement van Sport, Kuns en Kultuur se prioriteite moet hersien word en standbeelde behoort nie ‘n prioriteit te wees nie.
Die party se Vrystaatse wetgewerlid, Wouter Wessels het in die debat gister oor dié departement gesê die departement se taak van nasiebou word deur sy eie leierskap omvergewerp deur sondebokpolitiek.
Hy sê rassisme word aangeblaas deur leiers wat witmense en apartheid blameer vir hulle eie onbevoegdheid.
Wessels sê die departement is van kardinale belang vir ekonomiese ontwikkeling, maatskaplike opheffing, nasiebou en die uitbou en ontwikkeling van taal in die provinsie.
Hy sê die regering kan eerder die geld om twee meter standbeelde van Oliver Tambo en Fidel Castro op te rig, spandeer om vir die provinsie se biblioteke boeke aan te koop.
The post “VS departement se prioriteite moet hersien word” appeared first on Radio Rosestad 100.6FM.