Radio Rosestad vereer vanaand plaaslike presteerders op die gebied van kultuur, wetenskap, akademie en landbou tydens die jaarlikse Roostoekennings.
Luisteraars is vroeër gevra om persone wat belangrike bydraes op dié gebiede gelewer het, te nomineer
Daar is besluit op ‘n lys van 24 name wat uit die verskillende kategorie-nominasies ontvang is en die wenners sal vanaand tydens ‘n glansgeleentheid bekend gemaak word.
Die Roostoekennings het ten doel om plaaslike persone wat ‘n belangrike bydrae op kulturele, akademiese en wetenskaplike gebiede gelewer het, te vereer.
Vanjaar word ook erkenning gegee aan persone wat in die landbou en op maatskaplike vlak bydraes gelewer het.
Spesiale oorkonde-toekennings sal ook oorhandig word aan persone wat onbaatsugtige diens in die onderwys gelewer het.
“Radio Rosestad vereer graag hierdie persone wat ook die verskillende gebiede ‘n belangrike bydrae in ons gemeenskap lewer,” sê Anton Cloete, Stasiebestuurder van Radio Rosestad.
“Ons is trots op elkeen van die kandidate. Die Roostoekennings is Radio Rosestad se manier om ook aan hulle erkenning te gee.”
The post Roostoekennings vanaand oorhandig appeared first on Radio Rosestad 100.6FM.